7583

1352. Febr. 27. Goldberg

Dankqward v Gutzstevel und sein Sohn Johann verbessern eine Vicarei zu Mestlin, verpflichten dagegen den Inhaber zu Almosen und zu Messen auf dem Hofe daselbst.

Dankqward of Gutzstevel and his son Johann improve a curation near Mestlin, but place an obligation on the owner to give alms and say Masses there.

In nomine domini, amen. Vniuersis ac singulis, ad quorum noticiam presencia peruenerint, Dancquardus de Guzsteuel, armiger, et filius suus Johannes, morantes in villa Mustelyn, Zwerinensis diocesis, salutem in omnium saluatore. Quisque manus munificencie sue eo liberalius aperire debet, quo ad hoc forcius obligatur. Noscat igitur reuerenda nacio presencium et felix successio futurorum, quod nos diuinum cultum augere cupientes, animo liberali, de maturo nostrorum amicorum consilio ac omnium heredum nostrorum, quorum interest seu interesse poterit, expresso consensu quandum viccariam de redditibus duodecim marcarum vsualium, quam discretus vir dominus Hermannus de Gutzstrowe, presbiter, tenuit in ecclesia dicte ville Mustelyn et propter tenuitatem reddituum dimisit, in honorem dei et sanctissime virginis Marie ac omnium sanctorum, pro salute animarum nostrarum ac omnium parentum nostrorum, heredum et amicorum preteritorum, presencium et futurorum augmentauimus, dotantes eandem de nouo cum redditibus quatuordecim marcarum danariorum selauicalium et monete vsualis et cum sedecim iugeribus agri liberi penitus et ex toto et cum prato vnius iugeris in tali loco, qui Olde Coppele nuncupatur, sito etz cum viginti plaustris lignorum ignibilium omni anno in quinque terminis ibidem secandorum per ipsum viccarium uel suos familiares, cum sibi visum fuerit expedire, vbi nos nostrique heredes et successores huiusmodi ligna singulis annis secari faciemus, et tantum de sespitibus fodendis vna cum villanis in Mustelyn, quantum quolibet anno sufficiat ad vsum et necessitatem viccarii antedicti, et cum hoc duo plaustra virgarum et duorum porcorum pastum singulis annis. Curiam quoque, quam dictus dominus Hermannus de Guzstrowe inhabitare consueu(er)it, viccarius, qui pro tempore fuerit, perpetuo libere optinebit. Redditus autem denariorum dicte viccarie, qui viginti et sex marce sunt numero, percipi debent singulis annis semper in festo Michaelis per viccarium, qui pro tempore fuerit, de curiis siue agris et campis nostrorum subditorum in villa Mustelyn infrascriptis, scilicet in curia Hinrici Arnoldi VI sol. sclauic. vno denario minus et in curia Hinrici Hartwici XII sol. minus II denariis, in curia Hartwici VI sol. vno denario minus, in curia Ludekini Bolten XII sol. minus II denariis, in curia Hinrici Hoppener III sol. vno obulo minus, in curia Wernekini Dobbin VI sol. vno denario minus, in curia Gherardi Robben VI sol. vno denario minus, in curia Hennekini Ghildemester IX sol. minus tribus assibus, in curia Hennekini Cowalck IX sol. tribus assibus minus, in curia Hermanni Bernardi totidem, in curia Hinrici Scampman XII sol. minus duobus denariis, in curia Dancquardi Caluen VI sol. vno denario minus, in curia Hermanni Langhemowe VI sol. vno denario minus, in curia domini Hinrici Pramitten, rectoris ecclesie in Mustelyn, de manso, quem emit a Johanne supra Montem, VI sol. vno denario minus, in curia Hennekini Burlehosen XII sol. minus duobus denariis, in curia alterius Hennekini Burlehosen de Eutzyn XII sol. duobus denariis minus, in curia Tyderici Blockes VI sol. vno denario minus, in curia Bolrauen III sol. vno obulo minus. Summam quoque dictorum denariorum ad octo marcas et octo solidos sclauicales computatem possessores dictarum curiarum dare consueuerunt et in futurum exsoluere tenebuntur, non de mansis dictis curiis adiacentibus, sed de agris superfluis et excrescentibus, quod wlgariter ouerland dicitur et proprio nomine Grothemor, dictis curiis et mansis appositis et annexis. Ad exsoluendum autem iam dictos redditus denariorum ipsi viccario dictarum curiarum, mansorum et agrorum predictorum coloni et possessores se ac omnes et singulos suos posteros et successores bona voluntate et libero arbitrio in perpetuum fideliter astrinxerunt. Dictos eciam agros superstites in wlgo nuncupatos, in campo Grothemor sitos, nullatenus diuisimus resignando uel dimittendo, nisi cum hoc eorum curias et mansos resignent et demittant simul cum effectu. Ceterum viccarius, qui pro tempore fuerit, infrascriptos redditus tollere et percipere debet expedite: in taberna Tyderici Blockes singulis annis et temporibus perpetuis tres marcas et duos solidos sclauicales et de taberna Ludekini Croghers morantis in medio ville Mustelyn quatuor marcas sclauic. cum tribus solidis et IIIIor denariis et de casa siue cotha Johannis Demen XXIIII sol. slauic. et de casa siue domo Hermanni Jacoby quinque marcas sclauicales, de domo Henrici Hoppener quatuor marcas sclauicales. Summa istorum denariorum de iam dictis casis et areis, agris et aliis pertinenciis adiacentibus per viccarium, qui pro tempore fuerit, percipienda ad decem et septem marcas sclauicales et duodecim solidos cum quatuor denariis se extendit. Damus eciam et concedimus plenam potestatem et liberam facultatem quilibet viccario in perpetuum omnes redditus dicte viccarie antiquos et nouiter appositos, quociens et quando sibi opus fuerit, per se uel per suos in parata pecunia uel copioso et sufficienti pignere libere extorquendos, nobis nostrisque successoribus et heredibus habitis et habendis irrequisitis, absque quolibet inpedimento et contradiccione. Prenominata quoque sedecim iugera agrorum situata, unt in lovis infrascriptis: ager, qui proprie Vlederstucke dicitur, situs est in campo, qui vocatur Bredeland, et decem virge agrorum retro villam Mustelyn secus viam versus Ruyst situatur, similiter cum agro iacente in campo, qui dicitur Lutteke Kauele, et si aliquid supra sedecim iugera agrorum superfuerit, hoc totum cedet in vsus viccarii sepedicti. Hec omnia bona predicta et redditus antedictos vna cum curia, quam prefatus dominus Hermannus de Gutzstrowe inhabitauit, cum pertinenciis suis vniuersis nomine nostro ac omnium nostrorum heredum verorum et legitimorum successorum secundum formam supra dictam et scriptam transferimus et dimittimus ad viccariam prenominatam, et omnes viccarios, qui pro tempore fuerint, libere gaudere et perfrui, vt premittitur, annuimus et fauemus et nichilominus concedimus cum omni fructu, vtilitate et libertate, omni occasione cessante, tempore sempiterno; omnes et singulos nobis in villa Mustelyn quocumque modo succedentes, si eciam contingeret nos et nostros veros heredes dictam villam Mustelyn et bona ibidem dimittere deo non volente, ad omnia et singula predicta inuiolabiliter tenenda et obseruanda presentibus firmiter astringentes. Sane eciam viccarius, qui pro tempore fuerit, singulis in dicta ecclesia diebus missam celebrabit in honorem omnipotentis dei et sue matris virginis Marie ac omnium sanctorum et nostri parentumque nostrorum et amicorum remedium sempiternum. Jdem quoque viccarius singulis annis semper in festo Martini beati episcopi loco elemosinarum iuxta consilium nostrum ac omnium nostrorum heredum et successorum legitimorum duos pannos albos, qui in wlgo streckede lakene dicuntur, vna cum decem paribus calciorum, quodlibet par valens decem et octo denarios Lubicenses, pauperibus virginibus et dominabus largiter distribuet et erogabit. Ceterum, quando nos nostrique veri heredes et successores ecclesiam in Mustelyn propter insidias et inimicicias uel alias necessitates visitare non valemus in diuinis, tunc dictus viccarius in curia nostra in Mustelyn missam celebrabit, dummodo fuerit de fauore et licencia venerabilis in Cristo patris et domini domini episcopi ecclesie Zwerinensis et, qui pro tempore fuerit, rectoris in Mustelyn antedicte ecclesie. Jn premissorum omnium et singulorum perpetuam firmitatem nostra sigilla presentibus duximus apponenda. Testes omnium predictorum sunt: discreti viri et honesti domini Eghardus prepositus sanctimonialium in Dobertyn, dominus Johannes Sternebergh rector ecclesie in Tetherowe, Bernardus rector ecclesie in Teghentyn, Johannes de Damme et Wylhelmus de Bomgarde, clerici, Heyno Kule, Hermannus de Haghenowe et Ywanus de Belowe, famuli. Actum et datum in castro Goldberghe, sb anno domini M°CCC° quinquagesimo secundo, feria proxima post dominicam Jnuocauit me et ego exaudiam eos etc.

Nach dem Original im Kloster-Archive zu Dobbertin. An Pergamentbändern 2 runde Siegel mit stehendem Schilde, in Zinnen schräge rechts geschnitten (wie die Reventlowschen Siegel);

According to the original document in the monastary archive in Dobbertin.